Mitglied werden

Hobts ned a Lust bei uns a bisserl mit zum gschaftln?

Mia nema an jedn oda a jede, der/de wo was doa mog, rund um den Bam in da Mittn vo Eichenau.

Nur 16 miasts scho sei.

Kostn duad de ganze Gaudi 20 Euro im Jahr.

Braucha dea ma den schnödn Mammon für d’Versicherunga, an Unterhoit und ois andere, wos da Freystaat no von uns wui.

Oiso:

As Zettal ausfülln, bei uns abgebn und auf geht’s beim Schichtl.

Mia gfrein uns auf eich.

Wenns koa Zeit füa so wos habts, oder moants, Ihr habts zehn Damma und zwoa linke Hend aber trotzdem Helfa wollts, dann deafts mit eiam Diridari a a so kemma.

Hier Mitgliedsantrag herunterladen